ومبلڈن ٹینس،روس کی میرا آندریوا کا بڑا خواب پورا ہوگیا

منگل 8 جولائی 2025 17:58

لندن(اُردو پوائنٹ اخبارتازہ ترین - این این آئی۔ 08 جولائی2025ء)ومبلڈن گرینڈ سلیم ٹینس کے کوارٹر فائنل میں پہنچنے والی میرا آندریوا کا خواب پورا ہو گیا۔روس کی 18 سالہ ٹینس اسٹار میرا آندریوا کی ٹینس لیجنڈ راجر فیڈرر کو دیکھنے کی خواہش تھی۔پری کوارٹر فائنل میں راجر فیڈرر نے میرا آندریو کا میچ دیکھا، میچ دیکھنے کے لیے رائل باکس میں راجر فیڈرر بھی موجود تھے۔

(جاری ہے)

میرا آندریوا نے کہا کہ میں نے بہت کوشش کی کہ میں رائل باکس میں نہ دیکھوں کیونکہ مجھے اندازہ تھا کہ اگر رائل باکس میں دیکھا تو میرا فوکس کھو جائے گا۔انہوں نے کہا کہ میرے لیے اعزاز ہے کہ راجر فیڈرر نے میرا میچ دیکھا۔میرا آندریوا نے کہا کہ خواب تھا کہ زندگی میں راجرفیڈرر کو دیکھوں جب دیکھا تو نروس ہوگئی۔واضح رہے کہ میرا آندریوا نے پہلی مرتبہ سینٹر کورٹ پر ومبلڈن ڈبیو کیا اور وہ 2007ء کے بعد ومبلڈن کوارٹر فائنل میں پہنچنے والی کم عمر ترین کھلاڑی ہیں۔