سری لنکا اوربنگلہ دیش سیریز کا تیسرا اور آخری ٹی ٹونٹی کرکٹ میچ بدھ کوکھیلا جائے گا

منگل 15 جولائی 2025 14:43

ْکولمبو(اُردو پوائنٹ اخبارتازہ ترین - این این آئی۔ 15 جولائی2025ء)سری لنکا اور بنگلہ دیش کی کرکٹ ٹیموں کے درمیان تین ٹی ٹونٹی بین الاقوامی میچوں پر مشتمل سیریز کا تیسرا اور آخری میچ (بدھ کو)آر پریما داسا سٹیڈیم کولمبو میں کھیلا جائے گا۔دونوں ٹیموں کے درمیان تین ٹی ٹونٹی میچوں کی سیریز 1-1 سے برابر ہے اسطرح یہ آخری میچ فائنل کی صورت اختیار کر گیا ہے۔

(جاری ہے)

سری لنکن ٹیم نے پہلے ٹی ٹونٹی میچ میں بنگلہ دیش کو 7 وکٹوں سے مات دی تھی جبکہ بنگلہ دیشی ٹیم نے دوسرے ٹی ٹونٹی میچ میں جاندار کم بیک کرتے ہوئے میزبان آئی لینڈرز کو 83 رنز سے نا صرف شکست دی بلکہ تین میچوں کی سیریز بھی 1-1 سے برابر کر دی۔اس سے قبل دونوں ٹیموں کیدرمیان کھیلی گئی دو میچوں کی ٹیسٹ سیریز 0-1 سے سری لنکن ٹیم نے جیت لی تھی جبکہ تین ایک روزہ بین الاقوامی میچوں کی سیریز بھی میزبان آئی لینڈرز نے 1-2 سے جیت لی تھی۔

تین ٹی ٹونٹی میچوں کی سیریز میں آئی لینڈرز کو چارتھ اسالنکا لیڈ کریں گے جبکہ بنگلہ دیش کی ٹیم کی قیادت لٹن داس کریں گے۔واضح رہے کہ دونوں ٹیموں کے درمیان ٹی ٹونٹی سیریز کا تیسرا اور آخری ٹی ٹونٹی میچ 16 جولائی کو آر پریما داسا سٹیڈیم کولمبو میں کھیلا جائے گا۔