
اے آئی پرموثریا مساوی طورپرکنٹرول نہیں کرسکتے ، سیکرٹری جنرل اقوام متحدہ
منگل 8 جولائی 2025 21:32

(جاری ہے)
انہوں نے کہا کہ پیکٹ فار دا فیوچر (مستقبل کیلئے معاہدہ )اعتماد اور تعاون کے ایک نئے فریم ورک کے قیام کی حمایت کرتا ہے، جس کا آغاز آے آئی پر اقوام متحدہ کی زیر قیادت آزاد بین الاقوامی سائنسی مشاورتی ادارہ کے قیام سے ہوتا ہے۔
یہ ادارہ غیر جانبدارانہ، شواہد پر مبنی رہنمائی فراہم کرے گا جو تمام رکن ممالک کے لیے قابل رسائی ہے۔ سیکرٹری جنرل نے اقوام متحدہ کے زیراہتمام اے آئی پر ایک باقاعدہ عالمی مکالمے کے لئے مستقبل کے لئے معاہدے کے مطالبے پر زور دیا، جس میں تمام رکن ممالک اور متعلقہ سٹیک ہولڈرز شامل ہیں۔انہوں نے اس بات پر زور دیا کہ اے آئی کو چند لوگوں کے لئے ایک خصوصی ڈومین نہیں بننا چاہیے بلکہ اسے ایک ایسا آلہ بننا چاہیے جو سب کو فائدہ پہنچائے،خاص طور پر ترقی پذیر ممالک، جن کی عالمی اے آئی گورننس میں بامعنی آواز ہونی چاہیے۔سیکرٹری جنرل نیکہا کہ ترقی پذیر ممالک میں اے آئی کی صلاحیت کو بڑھانے میں مدد کے لئے رضاکارانہ مالی امداد کے اختراعی اختیارات کا خاکہ پیش کرنے کے لئے جلد ہی ایک رپورٹ پیش کی جائے گی۔ انہوں نے برکس گروپ پر زور دیا کہ وہ ان اقدامات کی حمایت کرے۔ انہوں نے کہا کہ ہم اپنے عالمی نظام میں گہرے ڈھانچہ جاتی عدم توازن کو دور کئے بغیر اے آئی پر موثر یا مساوی طور پر کنٹرول نہیں کر سکتے۔ ہم ایک کثیر قطبی دور میں رہتے ہیں جس میں طاقت کی تبدیلی کی حرکیات موجود ہیں۔ ایسی دنیا عالمی اداروں کے ساتھ کثیر الجہتی گورننس کا مطالبہ کرتی ہے جو مقصد کے لیے خاص طور پر سلامتی کونسل اور بین الاقوامی مالیاتی ڈھانچہ کے لئے موزوں ہیں۔اقوام متحدہ کے سیکرٹری جنرل نے کہا کہ اقوام متحدہ کے موجودہ ادارے ایک پرانے دور اور طاقت کے ایسے توازن کے لئے بنائے گئے تھے جو فرسودہ ہو چکا ہے۔ انہوں نے اس بات کی تصدیق کی کہ سلامتی کونسل میں اصلاحات بہت اہمیت کی حامل ہیں۔اس حوالے سے انہوں نے سپین کے شہر سیویل میں گزشتہ ہفتے ہونے والی فنانسنگ فار ڈویلپمنٹ کانفرنس میں عالمی اقتصادی نظم و نسق میں ترقی پذیر ممالک کی زیادہ سے زیادہ شرکت کے مطالبے ، قرضوں کی مثر تنظیم نو کے لئے میکانزم اور کثیر جہتی ترقیاتی بینکوں کی قرض دینے کی صلاحیت خاص طور پر رعایتی مالیات اور مقامی کرنسی کے قرضے کے ذریعے تین گنا اضافے کا تذکرہ کیا۔انہوں نے اس بات پر زور دیا کہ یہ کوششیں ممالک کے لئے خاص طور پر گلوبل ساتھ میں ڈیجیٹل فرق کوختم کرنے اور اے آئی کی مکمل صلاحیتوں کو بروئے کار لانے کے لئے بہت اہم ہیں، جو اسے جامع ترقی اور پائیدار ترقی کے لیے ایک طاقتور انجن کے طور پر کام کرنے کے قابل بناتی ہیں۔ انہوں نے کہا کہ اعتماد پر مبنی تعاون انسانیت کی سب سے بڑی اختراع ہے،جس کا آغاز تمام اقوام کی جانب سے بین الاقوامی قانون کا احترام کرنے کے ساتھ ہوتا ہے۔متعلقہ عنوان :
مزید بین الاقوامی خبریں
-
ایلون مسک نے اپنے سابق انجینئر پرمقدمہ کردیا، گروک کے راز چرا کر حریف کمپنی کو دینے کا الزام
-
سعودی عرب میں بارشوں نے قیامت ڈھا دی، کئی گاڑیاں سیلاب میں بہہ گئیں
-
امریکہ نے غیرملکی شہریوں کیلئے 250 ڈالر کی نئی ویزہ فیس عائد کردی
-
کویت میں ورک پرمٹ میں جعلسازی کرنے والا نیٹ ورک پکڑا گیا
-
مودی کے روئیے سے ٹرمپ مشتعل، پاکستان امریکا کا پسندیدہ ملک بن گیا
-
ایران یورینیم افزودگی پرخدشات دورکرے، برطانیہ، جرمنی، فرانس
-
عمان کا غیرملکی سرمایہ کاروں کیلئے گولڈن ریزیڈنسی کا اعلان
-
بھارت، کارڈئیک سرجن دوران ڈیوٹی دل کا دورہ پڑنے سے چل بسا
-
تھائی عدالت نے فون کال لیک ہونے پروزیراعظم کو برطرف کردیا
-
امریکی کورٹ نے ٹرمپ کے زیادہ ترٹیرف کو غیرقانونی قرار دے دیا
-
اطالوی وزیرِاعظم جارجیا میلونی کی ایڈٹ شدہ تصاویر وائرل، ردعمل سامنے آگیا
-
جنگی جنون میں مبتلا مودی سرکار نئی کمانڈو بٹالینز بنانے میں مصروف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2025, UrduPoint Network
All rights of the publication are reserved by UrduPoint.com. Reproduction without proper consent is not allowed.