راولپنڈی میں کروڑوں روپے کی بینک ڈکیتی ناکام

پر اطلاع موصول ہوتے ہی پولیس کا بروقت ایکشن، ایک ڈاکو گرفتار

منگل 8 جولائی 2025 20:40

راولپنڈی (اُردو پوائنٹ اخبارتازہ ترین - این این آئی۔ 08 جولائی2025ء)راولپنڈی میں نیو ٹاؤن کے علاقے میں پولیس کی بروقت کارروائی نے کروڑوں روپے کی بینک ڈکیتی کی بڑی واردات کو ناکام بنا دیا۔ پولیس کے مطابق 15 پر اطلاع موصول ہوتے ہی نفری فوری طور پر موقع پر پہنچ گئی جس کے باعث ڈاکو اپنا منصوبہ مکمل کرنے میں ناکام رہے۔

(جاری ہے)

پولیس کے مطابق تین مسلح ڈاکو بینک میں داخل ہوئے، جن میں سے ایک کو گرفتار کر لیا گیا ہے جبکہ دو ملزمان فرار ہونے میں کامیاب ہوگئے۔پولیس نے فرار ہونے والے ڈاکوؤں کی تلاش شروع کردی ہے جبکہ گرفتار ملزم سے اسلحہ برآمد کر لیا گیا ہے ۔پولیس حکام کے مطابق بروقت اطلاع اور رسپانس کے باعث ایک بڑا مالی نقصان ہونے سے بچ گیا۔ مزید پیش رفت جلد متوقع ہے۔