خیبرپختونخوا،مختلف واقعات میں 8 افراد قتل

مقتولین کی کسی سے ذاتی دشمنی ہیں، واقعات کی تحقیقات کی جا رہی ہیں، پولیس

بدھ 9 جولائی 2025 23:01

پشاور(اُردو پوائنٹ اخبارتازہ ترین - این این آئی۔ 09 جولائی2025ء)پنیالہ کے گاؤں رحمانی خیل میں رات گئے نامعلوم افراد نے فائرنگ کرکے تین افراد کو قتل کر دیا۔پولیس کے مطابق جاں بحق افراد کی شناخت محمد سلیم، نعمت اور زاہد کے نام سے کی گئیں۔ٹانک گاؤں ملازئی میں نامعلوم مسلح افراد نے گل احمد کے گھر میں دھاوا بول کر ان کے دو بیٹوں اور ایک دوست کو قتل کر دیا۔

(جاری ہے)

جاں بحق افراد کی شناخت سردار احمد، اعزاز احمد مروت اور ان کے دوست عمران کے نام سے ہوئی۔ڈیرہ اسماعیل خان کے تھانہ کینٹ کی حدود میں ریٹائر پولیس افسر محمد حسین کو فائرنگ کر کے قتل کر دیا گیا۔ بنوں روڈ پر قبائلی شخص بھی قتل کر دیا گیا۔پولیس کا کہنا ہے کہ لاشوں کو ڈی ایچ کیو اسپتال منتقل کیا گیا، مقتولین کی کسی سے ذاتی دشمنی ہیں۔ پولیس نے دونوں واقعات کی تفتیش شروع کر دی ہے۔