سانحہ سوات،،2 ہیلی کاپٹرز کے باوجود انکا استعمال کیوں نہ ہوا عدالت نے رپورٹ طلب کرلی

بدھ 9 جولائی 2025 19:55

پشاور(اُردو پوائنٹ اخبارتازہ ترین - این این آئی۔ 09 جولائی2025ء)پشاور ہائیکورٹ نے سانحہ سوات سے متعلق درخواست پر تحریری حکم جاری کردیا۔ پشاور ہائیکورٹ کی جانب سے جاری تحریری فیصلے میں کہا گیا کہ پروونشل انسپکشن ٹیم کے چیئرمین عدالت میں پیش ہوئے اور بتایا گیا کہ 7 دن میں تحقیقات مکمل کرکے رپورٹ جمع کی جائے۔

(جاری ہے)

عدالت نے حکم دیا کہ سانحہ سوات پر جامع رپورٹ 14 روز کے اندر جمع کرائی جائے، عوام کے تحفظ کیلئے اداروں کے اقدامات سے متعلق رپورٹ بھی جمع کرائی جائے اور ایڈوکیٹ جنرل بھی رپورٹ جمع کروائیں۔عدالت نے حکم دیا کہ ایڈیشنل اٹارنی جنرل، سول ایوی ایشن اتھارٹی رپورٹ جمع کرائیں کہ 2 ہیلی کاپٹرزکی موجودگی کے باوجود ان کا استعمال کیوں نہیں کیا گیا