Live Updates

7 گھنٹے تک شہر میں بارش رہی، 2 گھنٹے بعد ہی شہر کی مرکزی شاہراہوں سے نکاسی آب مکمل

جمعرات 10 جولائی 2025 21:20

لاہور (اُردو پوائنٹ اخبارتازہ ترین - اے پی پی۔ 10 جولائی2025ء) شہر بھر میں جمعرات کے روز7 گھنٹے بارش جاری رہی ، متعدد علاقوں میں200 ملی میٹر تک بارش ریکارڈ کی گئی۔وزیر ہاوسنگ اینڈ اربن ڈویلپمنٹ بلال یاسین ،واسا افسران اور ضلعی انتظامیہ فیلڈ آپریشن کی نگرانی کرتے رہے۔

(جاری ہے)

صوبائی وزیر بلال یاسین نے واسا کنٹرول روم کا دورہ کیا اور بعد ازاں پریس کانفرنس میں بتایا کہ وزیر اعلی مریم نواز کی ہدایت پر پوری مشینری فیلڈ میں متحرک ہے،6 ہزار سے زائد واسا ملازمین فیلڈ میں متحرک ہیں،گزشتہ سالوں کی نسبت بارش اور بروقت نکاسی آب میں واضح فرق ہے، بارشی پانی میں ڈوبنے والے علاقوں کی پرانی اور تازہ تصاویر دیکھی جاسکتی ہیں،شہر کے نشیبی علاقوں میں13 زیر زمین واٹر ٹینکس کو فعال کیا جا چکا ہے،موسمیاتی تبدیلیوں کے باعث بارش کے دورانیے مزید بڑھ سکتے ہیں۔