Live Updates

لاہور : مون سون بارشیں کرکٹرز کی ٹریننگ میں رکاوٹ بن گئیں

قومی ریڈ بال اور وائٹ بال کرکٹرز کے سکلز ڈویلپمنٹ کیمپ تاخیر کا شکار ہوگئے: ذرائع

ذیشان مہتاب جمعہ 11 جولائی 2025 12:35

لاہور : مون سون بارشیں کرکٹرز کی ٹریننگ میں رکاوٹ بن گئیں

لاہور (اردو پوائنٹ تازہ ترین اخبار ۔ 11 جولائی 2025ء ) لاہور میں مون سون کی بارشیں کرکٹرز کی ٹریننگ میں رکاوٹ بن گئیں۔

ذرائع کے مطابق قومی ریڈ بال اور وائٹ بال کرکٹرز کے اسکلز ڈیولپمنٹ کیمپ تاخیر کا شکار ہوگئے۔

نیشنل کرکٹ اکیڈمی ( این سی اے) میں کیمپس پیر سے شیڈولڈ کیے گئے تھے لیکن بارشوں کے اسپیل کی وجہ سے اب کیمپس پیر سے شروع نہیں ہو سکیں گے۔

(جاری ہے)

ذرائع کا بتانا ہے کہ کیمپس کے نئے شیڈول کا فیصلہ آئندہ ہفتے کیا جائے گا ، ایل سی سی اے گراؤنڈ اور این سی اے کے گراؤنڈ میں پانی کی وجہ سے کیمپس کا آغاز ممکن نہیں ہے۔

ذرائع کا کہنا ہے کہ این سی اے کے انڈور ہال میں لاہور میں مقیم کھلاڑی اپنی انفرادی ٹریننگ جاری رکھے ہو ئے ہیں جب کہ وائٹ بال کرکٹرز کے اسکلز ڈیولپمنٹ کیمپس 3 مرحلوں میں لاہور میں ہو چکے ہیں۔