سی سی ڈی جرائم پیشہ افراد کیخلاف کارروائیوں کے ساتھ ساتھ خدمت خلق میں بھی پیش پیش

اغوا برائے تاوان سیل نے منشیات و زیادتی کا شکار، گمشدہ و گھر سے بھاگے 07بچے بازیاب کروا لئے، والدین کے سپرد

جمعہ 11 جولائی 2025 14:30

لاہور (اُردو پوائنٹ اخبارتازہ ترین - این این آئی۔ 11 جولائی2025ء)کرائم کنٹرول ڈیپارٹمنٹ جرائم پیشہ افراد کے خلاف کارروائیوں کے ساتھ ساتھ خدمت خلق میں بھی پیش پیش ہے ، سی سی ڈی اغوا برائے تاوان سیل کی جانب سے گمشدہ بچوں کے حوالے سے لاہور کے مختلف علاقوں میں سرچ آپریشن جاری ہے ، منشیات و زیادتی کا شکار، گمشدہ و گھر سے بھاگے 07بچے بازیاب کروا لئے، بازیاب کروائے گئے بچوں کو بحافظت والدین کے سپرد کر دیا گیا ۔

(جاری ہے)

ترجمان کے مطابق منشیات، زیادتی کا شکار بچوں اور ان کے والدین کی ماہرین نفسیات سے کونسلنگ کروائی جا رہی ہے۔بازیاب کروائے گئے بچوں کا تعلق لاہور، شیخوپورہ، سیالکوٹ، میانوالی ،راولپنڈی سمیت مختلف شہروں سے ہے، گمشدہ اور گھر سے بھاگے بچوں کو داتا دربار، ریلوے سٹیشن، بس سٹیندز سے بازیاب کروایا گیا ۔ ترجمان نے کہا کہ ہمارا پیارا ایپ، ورچوئل چائلڈ پروٹیکشن سنٹر، سوشل میڈیا کے ذریعے بچوں کی تلاش عمل میں لائی گئی، وزیر اعلی مریم نواز کے ویژن کے تحت بچوں سے زیادتی، استحصال، چائلڈ لیبر ہماری ریڈ لائن ہے ۔