آٹھویں جماعت کے بورڈ امتحانات کا سلسلہ بحال کرنے کا فیصلہ

پانچویں، چھٹی ،ساتویں کلاس کے امتحانات بطور اسسمنٹ ٹیسٹ لئے جائیں وزیر تعلیم رانا سکندر حیات کی زیر صدارت پیکٹا کے بورڈ آف گورنرز کااجلاس

ہفتہ 12 جولائی 2025 13:54

لاہور(اُردو پوائنٹ اخبارتازہ ترین - این این آئی۔ 12 جولائی2025ء)پنجاب میں آٹھویں جماعت کے بورڈ امتحانات کا سلسلہ بحال کرنے کا فیصلہ کر لیا گیا ۔ وزیر تعلیم رانا سکندر حیات کی زیر صدارت پیکٹا کے بورڈ آف گورنرز کااجلاس ہوا جس میں تعلیمی اصلاحات حوالے سے متعدد اہم امور پر غورآئے۔وزیر تعلیم کی پانچویں سے ساتویں تک انٹرنل امتحانی نظام کو موثر بنانے کی ہدایت کرتے ہوئے کا کہ پانچویں، چھٹی اور ساتویں کلاس کے امتحانات بطور اسسمنٹ ٹیسٹ لئے جائیں۔

رانا سکندر حیات نے کہا کہ ایک ماہ میں انٹرنل اسسمنٹ ٹیسٹ کا طریقہ کار وضع کیا جائے،اسسمنٹ ٹیسٹ سے اساتذہ اور طلبا کی پرفارمنس پرکھی جا سکے گی۔ انہوں نے کہا کہ آٹھویں کلاس کیلئے بورڈ امتحانات کا سلسلہ بحال کر رہا ہوں،گریڈ 8 کے امتحانات پیکٹا لے گا، اگلے 30 دن میں لائحہ عمل بنایا جائے۔

(جاری ہے)

انہوں نے ہدایت کی کہ پانچویں سے ساتویں تک اسسمنٹ ٹیسٹ کیلئے شفاف نظام لاگو کیا جائے۔

اجلاس میں میٹرک ٹیک کی نہم و گیارہویں کی کتب کو ویڈیو فارمیٹ میں بھی ڈھالنے پر غور کیا گیا ۔ وزیر تعلیم نے کہا کہ آن لائن ٹیک ایجوکیشن کیلئے اکیڈمک کمیٹی ویڈیوز کی کوالٹی پر کام کرے،میٹرک ٹیک کے اساتذہ کی ٹریننگ کیلئے ٹرینرز کا انتخاب سابقہ پرفارمنس اور نتائج کو مدنظر رکھ کر کیا جائے۔ آئندہ سال کتب کی بروقت پرنٹنگ و ترسیل کیلئے ابھی سے کام شروع کر دیا جائے۔ آئندہ سال سے کتب کی پرنٹنگ اور ترسیل میں تاخیر ناقابل برداشت ہوگی۔ اجلاس میںمڈل میں ڈراپ آٹ ریشو کم کرنے کیلئے مختلف تجاویز کا بھی تبادلہ کیا گیا۔