محکمہ صحت و آبادی میں تقرر و تبادلے، مختلف اضلاع میں نئی تعیناتیاں

ہفتہ 12 جولائی 2025 16:39

لاہور (اُردو پوائنٹ اخبارتازہ ترین - این این آئی۔ 12 جولائی2025ء)محکمہ صحت و آبادی میں انتظامی بہتری اور کارکردگی میں اضافہ یقینی بنانے کے لیے افسران کے تقرر و تبادلوں کے احکامات جاری کر دیئے گئے ، مختلف اضلاع میں نئی تعیناتیاں عمل میں لائی گئی ہیں۔سی ای او ہیلتھ ڈاکٹر زوہیب حسن کا تبادلہ کر کے محکمہ صحت رپورٹ کرنے کا حکم دیا گیا ۔

(جاری ہے)

ڈاکٹر محمد آصف خان کو سی ای او ہیلتھ لاہور تعینات ،ڈاکٹر احسان غنی کو سی ای او ہیلتھ راولپنڈی تعینات ،ایم ایس مزنگ ہسپتال ڈاکٹر شہباز احمد کو بھی تبدیل کر دیا گیا،ڈاکٹر شہزاد احمد کو سی ای او ہیلتھ فیصل آباد تعینات کر دیا گیا۔

ڈاکٹر محمد ثاقب کو بطور سی ای او ہیلتھ چنیوٹ کام جاری رکھنے کا حکم دے دیا،ڈاکٹر ثوبان ضیا کو سی ای او ہیلتھ ملتان تعینات کر دیا گیا،سی ای او ہیلتھ نارووال ڈاکٹر محمد شہباز کو عہدے سے ہٹا دیا گیا۔سی ای او ہیلتھ نارووال ڈاکٹر شہباز کو محکمہ صحت رپورٹ کرنے کا حکم دے دیا۔