کراچی میں نمبرپلیٹ کے نام پر بھتہ وصول کیا جارہا ہے، منعم ظفر

# بہت ہوگیا ہم وزیراعلیٰ ہاوس جانے کی کال دیں گے، جماعت اسلامی ظلم کیخلاف سیسہ پلائی دیوارکی طرح کھڑی ہوگی،امیر جماعت اسلامی کراچی کا ریلی سے خطاب جماعت اسلامی نے فائیواسٹارچورنگی سے فریسکو چوک تک ریلی نکالی، امیر جماعت اسلامی کراچی منعم ظفر خان نے موٹرسائیکل ریلی کی قیادت کی

اتوار 13 جولائی 2025 21:05

×کراچی(اُردو پوائنٹ اخبارتازہ ترین - آن لائن۔ 13 جولائی2025ء) امیر جماعت اسلامی کراچی منعم ظفر نے کہا ہے کہ نمبرپلیٹ کے نام پر بھتہ وصول کیا جارہا ہے جسے مسترد کرتے ہیں، وزیراعلیٰ ہاوس جانیکی کال دیں گے۔نمبر پلیٹس اور ٹریفک پولیس کیخلاف جماعت اسلامی کی جانب سے کراچی میں نکالی گئی موٹر سائیکل ریلی سے خطاب کرتے ہوئے امیرجماعت اسلامی کراچی نے کہا کہ بہت ہوگیا ہم وزیراعلیٰ ہاوس جانے کی کال دیں گے، جماعت اسلامی ظلم کیخلاف سیسہ پلائی دیوارکی طرح کھڑی ہوگی۔

(جاری ہے)

منعم ظفر نے کہا کہ رشوت خوری سے باز ا?جاؤ، ایسا نہ ہو کل نوجوان پولیس چوکیوں کے سامنے دھرنا دیں، جماعت اسلامی کراچی کے مسائل سیغافل نہیں۔بائیک ریلی سے خطاب کرتے ہوئے منعم ظفر نے مزید کہا کہ آپ کراچی کا مقدمہ لڑنے کیلئے سڑکوں پر موجود ہیں، وزیراعلیٰ سندھ کرپٹ لوگوں کی سرپرستی کررہے ہیں۔امیرجماعت اسلامی کراچی نے کہا کہ ظالم اور جاگیردار نواجوان کیخلاف متحد ہیں، کراچی اربوں روپے کا ٹیکس دیتا ہے، کراچی کے لوگوں کی ضرورت انفرااسٹرکچر ہے، جہانگیر روڈ کو 4 بار بنایا جاچکا ہے۔جماعت اسلامی نے فائیواسٹارچورنگی سے فریسکو چوک تک ریلی نکالی، امیر جماعت اسلامی کراچی منعم ظفر خان نے موٹرسائیکل ریلی کی قیادت کی۔