ملک میں کھاد کی قیمتوں میں بڑا اضافہ ریکارڈ، ڈی اے پی کی قیمت 1578روپے بڑھ گئی

نائٹرو فاسفیٹ کھاد فی بوری کی قیمت 8075 روپے تک پہنچ گئی ‘ فاسفورس، پوٹاشیم کھاد کی قیمتوں میں بھی اضافہ

میاں محمد ندیم پیر 14 جولائی 2025 15:14

ملک میں کھاد کی قیمتوں میں بڑا اضافہ ریکارڈ، ڈی اے پی کی قیمت 1578روپے ..

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔14 جولائی ۔2025 )ملک میں مہنگائی میں اضافے کے پیش نظر کھاد کی قیمتوں میں بھی بڑا اضافہ ریکارڈ کیا گیا دستاویز کے مطابق ایک ہفتے میں ڈی اے پی کھاد کی بوری کی قیمت میں 36 روپے تک اضافہ ہوگیا. ڈی اے پی کھاد بوری کی اوسط قیمت 12937 روپے ہوگئی کوئٹہ میں ڈی اے پی کھاد سب سے مہنگی، فی بوری 13400 روپے تک پہنچ گئی، فیصل آباد میں ڈی اے پی کی فی بوری 13150 روپے میں فروخت کی جارہی ہے.

(جاری ہے)

گزشتہ ایک سال کے دوران ڈی اے پی کی قیمت میں 1578 روپے اضافہ ہو دستاویز کے مطابق ایک ہفتے میں پوٹاشیم سلفیٹ کھاد کی قیمت میں 95 روپے کا اضافہ ہوا، پوٹاشیم سلفیٹ کھاد فی بوری کی اوسط قیمت 12145 روپے ہوگئی فیصل آباد میں پوٹاشیم سلفیٹ کھاد سب سے زیادہ 13800 روپے میں فروخت جاری ہے. ایک ہفتے میں نائٹرو فاسفیٹ کھاد کی قیمت میں 12 روپے اضافہ دیکھا گیا، نائٹرو فاسفیٹ کھاد فی بوری کی قیمت 8075 روپے تک پہنچ گئی دستاویز کے مطابق ایک ہفتے میں نائٹروجن، فاسفورس، پوٹاشیم کھاد 6 روپے مہنگی ہوگئی، نائٹروجن، فاسفورس، پوٹاشیم کھاد کی فی بوری 8990 روپے ہوگئی.