فحاشی پھیلانے کے الزام میں پشاور میں خاتون ٹک ٹاکر گرفتار

سوشل میڈیا پر بے ہودہ، فحش اور غیر اخلاقی مواد پھیلانے کا الزام، پشاور پولیس نے ٹک ٹاکر علیشاہ کو گرفتار کر لیا

محمد علی بدھ 10 ستمبر 2025 00:17

پشاور (اُردو پوائنٹ اخبارتازہ ترین۔ 09 ستمبر2025ء) فحاشی پھیلانے کے الزام میں پشاور میں خاتون ٹک ٹاکر گرفتار، سوشل میڈیا پر بے ہودہ، فحش اور غیر اخلاقی مواد پھیلانے کا الزام، پشاور پولیس نے ٹک ٹاکر علیشاہ کو گرفتار کر لیا۔

سوشل میڈیا پر بے ہودہ، فحش اور غیر اخلاقی مواد اپلوڈ کرنے پر #علیشاہ 007 گرفتار

▪︎ تھانہ گلبہار پولیس کی کارروائی
▪︎ مقدمہ درج، مزید تفتیش جاری

کیپٹل سٹی پولیس پشاور واضح کرتی ہے کہ سوشل میڈیا پر بے ہودہ مواد پھیلانے والوں کے خلاف بلاامتیاز کارروائیاں جاری رہیں گی۔ pic.twitter.com/0qYrhdTPlh
— Capital City Police Peshawar (@PeshawarCCPO) September 9, 2025

تفصیلات کے مطابق پشاور پولیس کی جانب سے جاری بیان میں کہا گیا ہے کہ کیپٹل سٹی پولیس کی جانب سے معاشرتی برائیوں کے سدباب اور نوجوان نسل کو بے راہ روی سے بچانے کے لیے سوشل میڈیا پلیٹ فارمز پر بے حیائی، فحش اور غیر اخلاقی ویڈیوز اپلوڈ کرنے والوں کے خلاف کارروائیاں مزید تیز کردی گئی ہیں۔

کیپٹل سٹی پولیس تر جمان کے مطابق اسی سلسلے میں تھانہ آغا میر جانی شاہ پولیس نے کارروائی کرتے ہوئے بے حیائی پھیلانے والے ملزم نور زادہ عرف لالے ولد نواب سکنہ یکہ توت کو گرفتار کرلیا۔

(جاری ہے)

جبکہ تھانہ کوتوالی پولیس نے کارروائی کرتے ہوئے بے حیائی پھیلانے والے خواجہ سرا سجل خان کو گرفتار کرلیا۔ اس کے علاوہ تھانہ گلبہار پولیس کی کارروائی کے دوران سوشل میڈیا پر بے ہودہ، فحش اور غیر اخلاقی مواد اپلوڈ کرنے پر علیشاہ 007 کو بھی گرفتار کر لیا گیا۔

گرفتار ملزمان کے خلاف قانون کے مطابق مقدمہ درج کرکے مزید تفتیش جاری ہے۔ کیپٹل سٹی پولیس پشاور کی جانب سے واضح کیا گیا ہے کہ سوشل میڈیا پر بے ہودہ اور غیر اخلاقی مواد پھیلانے والوں کے خلاف کارروائیاں بلاامتیاز جاری رہیں گی۔