پشاور ہائیکورٹ،مخصوص نشستوں سے متعلق پی ٹی آئی کی درخواست اعتراض لگا کر واپس

پیر 14 جولائی 2025 22:10

پشاور(اُردو پوائنٹ اخبارتازہ ترین - این این آئی۔ 14 جولائی2025ء)مخصوص نشستوں سے متعلق تحریک انصاف کی درخواست پشاور ہائیکورٹ کے رجسٹرار نے اعتراض لگا کر واپس کر دی۔میڈیارپورٹ کے مطابق رجسٹرار نے کہا کہ سپریم کورٹ کے آئینی بینچ نے پشاور ہائیکورٹ کا مخصوص نشستوں سے متعلق فیصلہ برقرار رکھا، پشاور ہائیکورٹ کا فیصلہ اب سپریم کورٹ کے فیصلے میں ضم ہوچکا ہے۔

(جاری ہے)

انہوںنے کہاکہ یہ درخواست اب قابل سماعت نہیں ہے، اسکو واپس کیا جاتا ہے۔پی ٹی آئی کے صوبائی جنرل سیکریٹری علی اصغر نے مخصوص نشستوں سے متعلق درخواست دائر کی تھی۔ درخواست میں مقف اپنایا گیا تھا کہ پشاور ہائیکورٹ کے مخصوص نشستوں سے متعلق فیصلے میں تحریک انصاف پارٹی نہیں تھی۔ درخواست میں 25مارچ 2024کو مخصوص نشستوں کا فیصلہ کالعدم قرار دے کر پی ٹی آئی کو فریق بنانے کی استدعا کی گئی تھی۔