معروف کورین اداکارہ 31 سال کی عمر میں چل بسیں

منگل 15 جولائی 2025 15:56

سیول(اُردو پوائنٹ اخبارتازہ ترین - این این آئی۔ 15 جولائی2025ء)جنوبی کوریا کی 31 سالہ معروف اداکارہ کانگ سیوہا انتقال کرگئیں ۔کورین میڈیا کے مطابق اداکارہ کے انتقال کی تصدیق قریبی عزیز نے سوشل میڈیا پیغام کے ذریعے کی جس میں اداکارہ کی زندگی کے آخری لمحات اور ان کے قربانیوں کا ذکر کیا گیا۔رپورٹس کے مطابق اداکارہ طویل عرصے تک معدے کے کینسر میں مبتلا تھیں اور یہ بیماری ان کی موت کا سبب بنی۔

(جاری ہے)

اداکارہ کانگ سیوہا کی آخری رسومات(آج) 16 جولائی کو ادا کی جائیں گی اور انہیں ہامان گیئونگنام صوبے میں ان کے خاندانی قبرستان میں سپرد خاک کیا جائے گا۔ اداکارہ کے انتقال پر مداحوں اور شوبز انڈسٹری نے گہرے دکھ کا اظہار کیا۔ اداکارہ نے فنی سفر کا آغاز 2012 میں میوزک ویڈیو ’’گیٹنگ فاردر اوے‘‘ سے کیا۔انہوں نے ’’ہارٹ‘‘،’’فرسٹ لو اگین ‘‘سمیت دیگر مشہور کورین ڈراموں میں شاندار اداکاری کے جوہردکھائے۔ان کی آخری فلم’’مینگنائن‘‘تھی جو ان کی وفات سے قبل شوٹ کی گئی تھی، ریلیز کے بعد اداکارہ اس فلم میں نظر آئیں گی۔

Facebook Twitter Google + Share on Whatsapp

معروف کورین اداکارہ 31 سال کی عمر میں چل بسیں

متعلقہ عنوان :

مزید فن و فنکار کی خبریں