سردار عتیق کی مرکزی ایوانِ صحافت مظفرآباد کے سال 2025 کے لیے بلا مقابلہ منتخب ہونے والے عہدیداران اور مجلس عاملہ کے اراکین کو دلی مبارکباد

منگل 15 جولائی 2025 16:09

مظفرآباد (اُردو پوائنٹ اخبارتازہ ترین - این این آئی۔ 15 جولائی2025ء)آل جموں و کشمیر مسلم کانفرنس کے صدر و سابق وزیر اعظم سردار عتیق احمد خان نے مرکزی ایوانِ صحافت مظفرآباد کے سال 2025 کے لیے بلا مقابلہ منتخب ہونے والے عہدیداران اور مجلس عاملہ کے اراکین کو دلی مبارکباد پیش کی ہے۔ اپنے تہنیتی پیغام میں انہوں نے کہا کہ ایوانِ صحافت ریاست کے باشعور اور متحرک صحافیوں کا نمائندہ ادارہ ہے جس نے ہمیشہ جمہوریت، آزادی اظہار اور عوامی حقوق کی آواز بلند کی۔

انہوں نے کہا کہ صحافی برادری نے مشکل حالات میں بھی حق اور سچ کا علم بلند رکھا اور نئی قیادت سے توقع ہے کہ وہ اسی عزم و جذبے کے ساتھ صحافت کے وقار اور ذمہ داریوں کو آگے بڑھائے گی۔نومنتخب عہدیداران میں صدر،سجاد احمد میرسیکرٹری جنرل،سید اشفاق حسین شاہ سینئر نائب صدر،نصیر انورنائب صدر،تنویر احمد تنولی ایڈیشنل جنرل سیکرٹری،راجہ خالد جائنٹ سیکرٹری، شاہ زیب افضل سیکرٹری مالیات،محمد انصر صدیق خواجہ،سیکرٹری اطلاعات میر بشارت حسین جبکہ مجلس عاملہ کے ممبران میں سرفراز احمد، خواجہ طارق، مقبول نقاش، محمد اسلم، میر محمد عارف عرفی، سید غلام رضا کاظمی، سید عباس گردیزی اور محمد فاروق مغل شامل ہیں۔

(جاری ہے)

سردار عتیق احمد خان نے مزید کہا کہ ایک ذمہ دار اور فعال صحافت ریاستی نظام میں اصلاحات، شفافیت اور احتساب کے لیے بنیادی ستون ہے۔ امید ہے نومنتخب عہدیداران اپنی پیشہ ورانہ صلاحیتوں اور تجربے کو بروئے کار لاتے ہوئے صحافتی میدان میں مزید بہتری لائیں گے