لاہورسے کراچی کے بجائے جدہ لے جانے پر شہری نے نجی ائیر لائن کیخلاف درخواست دائر کردی

منگل 15 جولائی 2025 16:42

کراچی (اُردو پوائنٹ اخبارتازہ ترین - این این آئی۔ 15 جولائی2025ء)لاہور سے کراچی کے بجائے جدہ لے جانے سے متعلق متاثرہ شہری نے نجی ائیر لائن کیخلاف سندھ ہائیکورٹ میں درخواست دائر کردی۔ متاثرہ شہری ملک شاہ زین نے نواز ڈاہری ایڈووکیٹ کے توسط سے درخواست دائر کی۔ درخواست میں موقف اپنایا گیا کہ درخواستگزار شہری پیشے کے لحاظ سے انجینئر ہے۔ شہری کو لاہور سے کراچی آنا تھا۔

نجی ائیر لائن والوں نے شہری کو کراچی کے بجائے جدہ پہنچا دیا۔

(جاری ہے)

وہاں پر بغیر پاسپورٹ لے جایا گیا۔ درخواستگزار سے سعودی حکام نے پوچھ گچھ کی اور بیٹھا دیا۔ سعودی حکام نے شہری کو دوبارہ لاہور ڈی پورٹ کردیا۔ اتنی بڑی لاپرواہی کی گئی ہے، شہری کو سخت پریشانی کا سامنا کرنا پڑا۔ بغیر پاسپورٹ کے شہری کو کسے دوسرے ملک لے جایا گیا۔ یہ ایمیگریشن و دیگر حکام کی نا اہلی ہے۔ درخواست میں موقف اپنایا گیا کہ اس معاملے پر جے آئی ٹی تشکیل دے کر ہیومن ٹریفکنگ کی تحقیقات بھی کرائی جائے۔ اداروں کی نااہلی کے باعث متاثرہ شہری کی تذلیل ہوئی ہے۔