لاہور پولیس کی کارروائی، 1784کریمینل گینگزکے3ہزار942ممبران گرفتار

بدھ 16 جولائی 2025 11:10

لاہور (اُردو پوائنٹ اخبارتازہ ترین - اے پی پی۔ 16 جولائی2025ء) لاہور پولیس کی سنگین جرائم میں ملوث گینگز کے خلاف کارروائیاں جاری ہیں ، رواں سال ایک ہزار784کریمینل گینگزکے3ہزار942ممبران کوگرفتار کر لیا گیا ہے۔ ترجمان لاہور پولیس کے مطابق گرفتار ملزمان کے قبضہ سے 97کروڑ 66لاکھ روپے سے زائد کی ریکوری کی گئی ہے۔ملزمان سے14کاریں، 2912موٹر سائیکلیں،100دیگر وہیکلزبرآمد کی گئی ہیں۔

ملزمان سے 260تولے سونا،4049موبائل فون اور51لیپ ٹاپ بھی برآمد کئے گئے ہیں۔

(جاری ہے)

سی سی پی او لاہور بلال صدیق کمیانہ نے کہا کہ ڈکیتی، چوری اورنقب زنی سمیت دیگر جرائم کی وارداتوں میں ملوث گینگز کے خلاف موثر کارروائیاں کی جا رہی ہیں۔ برآمد شدہ کاریں، موٹر سائیکلیں، زیورات، موبائل فون اور لیپ ٹاپ قانونی کارروائی کے بعد اصل مالکان کے حوالے کر دیئے جاتے ہیں ۔منظم گروہوں کے خلاف زیرو ٹالرنس کارروائیاں جاری رہیں گی۔ منشیات فروشی،قماربازی اور نقب زنی سمیت دیگر وارداتوں میں ملوث گینگز کے خلاف انٹیلی جنس بیسڈ آپریشنز میں تیزی لائی جائے۔