زیادتی کیس، بھارتی کرکٹر یش دیال کی گرفتاری پر حکم امتناع جاری

آپ ایک دو دن تک بے وقوف بنا سکتے ہیں، کوئی کسی کو کیسے 5 سال تک بیوقوف بنا سکتا ہے‘عدالت

بدھ 16 جولائی 2025 14:45

زیادتی کیس، بھارتی کرکٹر یش دیال کی گرفتاری پر حکم امتناع جاری

الہ آباد(اُردو پوائنٹ اخبارتازہ ترین - این این آئی۔ 16 جولائی2025ء)بھارت کے الہ آباد کی ہائی کورٹ نے جنسی استحصال کے کیس میں بھارتی کرکٹر یش دیال کی گرفتاری پر حکم امتناع جاری کر دیا۔بھارتی میڈیا کا اس حوالے سے کہنا ہے کہ الہ آباد ہائی کورٹ نے اگلی سماعت تک پولیس کو یش دیال گرفتار کرنے سے روک دیا ہے۔الہ آباد ہائی کورٹ کا دوران سماعت کہنا تھا کہ آپ ایک دو دن تک بے وقوف بنا سکتے ہیں، کوئی کسی کو کیسے 5 سال تک بیوقوف بنا سکتا ہے۔

بھارتی میڈیا کے مطابق غازی آباد میں یش کے خلاف 6 جولائی کو ایف آئی آر کا اندراج ہوا تھا۔بھارتی میڈیا کے مطابق رائل چیلنجرز بنگلور (آر سی بی) کے فاسٹ بولر یش دیال کے خلاف ایک خاتون سے زیادتی کا کیس رجسٹرڈ کیا گیا تھا۔فاسٹ بولر پر ایک خاتون نے جنسی استحصال کا الزام لگایا تھا، غازی آباد کی خاتون نے فاسٹ بولر پر جنسی استحصال کے خلاف مقدمہ درج کرنے کی درخواست دی تھی۔

(جاری ہے)

جس کے بعد خاتون سے زیادتی کے کیس میں بھارتی کرکٹر کے خلاف مقدمہ درج کرلیا گیا تھا۔رپورٹس کے مطابق خاتون نے الزام عائد کیا تھا کہ 5 سالہ تعلق کے دوران یش نے جسمانی اور ذہنی تشدد کیا۔ خاتون نے شادی کا وعدہ کر کے مالی طور بھی استحصال کرنے کا الزام لگایا تھا۔بھارتی میڈیا کے مطابق الزامات ثابت ہونے پر بھارتی کرکٹر کو 10 برس قید کی سزا کا سامنا کرنا پڑ سکتا ہے۔