بنگلہ دیشی الیکشن کمیشن کا نیا اقدام، عوامی لیگ کا انتخابی نشان کشتی الیکشن فہرست سے خارج

بدھ 16 جولائی 2025 19:54

ڈھاکا(اُردو پوائنٹ اخبارتازہ ترین - این این آئی۔ 16 جولائی2025ء)عوامی لیگ کی رجسٹریشن معطل ہونے کے بعد الیکشن کمیشن نے جماعت کا تاریخی انتخابی نشان کشتی اپنی ویب سائٹ سے ہٹا دیا ہے، جو کئی دہائیوں تک عوامی لیگ کی سیاسی شناخت کا حصہ رہا ہے۔الیکشن کمیشن نے عوامی لیگ کو رجسٹرڈ سیاسی جماعتیں کے تحت چھٹی جماعت کے طور پر درج کیا تھا، لیکن اب اس کے نام کے ساتھ کشتی کا نشان بھی ویب سائٹ سے ہٹا دیا گیا ہے۔

(جاری ہے)

عوامی لیگ کا نشان کشتی کئی دہائیوں سے پارٹی کی پہچان تھا، لیکن اس فیصلے کے بعد یہ پارٹی کی ویب سائٹ سے نکال دیا گیا ہے۔ الیکشن کمیشن کے سسٹم مینیجر، محمد رفیق الحق نے اس بات کی تصدیق کی کہ یہ اقدام اعلی حکام کی ہدایات پر کیا گیا ہے۔فی الحال بنگلہ دیش میں 50 رجسٹرڈ سیاسی جماعتیں موجود ہیں اور الیکشن کمیشن نے ان جماعتوں کے لیے 69 انتخابی نشانات مختص کیے ہیں۔ تاہم یہ تعداد 115 تک بڑھانے کی تجویز بھی قانون وزارت کو ارسال کی جا چکی ہے۔عوامی لیگ کے انتخابی نشان کشتی کو ہٹایا جانا بنگلہ دیش کی انتخابی سیاست میں ایک اہم موڑ کی علامت ہے، جو جماعت کے مستقبل پر گہرے سوالات اٹھا رہا ہے۔ٍ