پاک بھارت جنگ میں 5 طیارے مار گرائے گئے تھے، ٹرمپ

غزہ سے مزید یرغمالی جلد رہا ہوجائیں گے،دنیا کی کئی جنگیں روکنے پر فخر ہے،گفتگو

ہفتہ 19 جولائی 2025 11:57

پاک بھارت جنگ میں 5 طیارے مار گرائے گئے تھے، ٹرمپ

واشنگٹن (اُردو پوائنٹ اخبارتازہ ترین - این این آئی۔ 19 جولائی2025ء)امریکا کے صدر ڈونلڈ ٹرمپ نے کہا ہے ان کے خیال میں پاک بھارت جنگ کے دوران 5 طیارے مار گرائے گئے تھے۔میڈیا سے گفتگومیں ٹرمپ کا کہنا تھا کہ پاکستان اور بھارت کے درمیان جنگ روکی۔

(جاری ہے)

پاک بھارت جنگ میں صورتحال انتہائی خراب تھی، ایٹمی جنگ کا خطرہ تھا۔امریکی صدر ٹرمپ نے کہا ہے کہ غزہ سے مزید یرغمالی جلد رہا ہوجائیں گے۔ دنیا کی کئی جنگیں روکنے پر فخر ہے۔انہوں نے کہا کہ کرپٹو میں امریکا دنیا بھر میں سب سے آگے ہے۔ امریکا کو دنیا بھر کے لیے کرپٹو کرنسی کا مرکز بنائیں گے۔