اسرائیل کا خفیہ مواصلاتی سیٹلائٹ ڈرور 1 خلا کیلئے روانہ

سیٹلائٹ زمین کے گرد مقررہ مدار جیواسٹیشنری آربیٹ میں پہنچ جائے گا،رپورٹ

جمعرات 17 جولائی 2025 20:52

تل ابیب(اُردو پوائنٹ اخبارتازہ ترین - این این آئی۔ 17 جولائی2025ء)اسپیس ایکس نے اسرائیل کا خفیہ مواصلاتی سیٹلائٹ ڈرور 1 سے خلا میں روانہ کر دیا۔معروف خلائی کمپنی اسپیس ایکس نے فلوریڈا میں واقع کیپ کینیورل اسپیس فورس اسٹیشن سے ایک خفیہ اسرائیلی مواصلاتی سیٹلائٹ کامیابی کے ساتھ لانچ کیا، یہ مشن اس وقت تک راز میں رکھا گیا تھا جب تک راکٹ نے خلا میں پرواز نہیں کی۔

یہ سیٹلائٹ اسرائیلی کمپنی اسرائیل ایئرواپیس انڈسٹریز کی جانب سے تیار کیا گیا ہے۔

(جاری ہے)

کمپنی کے صدر اور سی ای او بوعز لیوی نے مشن کی کامیابی پر کہا ہمیں فخر ہے کہ ہم نے اسرائیل کا جدید ترین مواصلاتی سیٹلائٹ ڈرور 1 تیار کیا اور کامیابی سے خلا میں بھیجا۔ یہ سیٹلائٹ اگلے دو ہفتوں میں زمین کے گرد ایک مقررہ مدار جیواسٹیشنری آربیٹ میں پہنچ جائے گا۔یہ لانچ فیلکن 9 راکٹ کے پہلے اسٹیج بوسٹر کی 13ویں پرواز تھی، پرواز کے تقریبا 8.5 منٹ بعد، راکٹ کا پہلا حصہ خلا سے واپس آ کر سمندر میں موجود اسپیس ایکس کے ڈرون شپ پر کامیابی سے لینڈ کر گیا۔یہ اسپیس ایکس کی جانب سے کسی راکٹ بوسٹر کی 474ویں کامیاب لینڈنگ تھی، جبکہ مذکورہ ڈرون شپ کا 128واں استعمال تھا۔