شہدائے پولیس فٹبال ایونٹ، ڈی آئی خان، ملاکنڈ اور بنوں نے اپنے میچز جیت لئے

جمعرات 17 جولائی 2025 23:11

پشاور (اُردو پوائنٹ اخبارتازہ ترین - آن لائن۔ 17 جولائی2025ء)پہلے شہدائے پولیس انٹر ریجنل سپورٹس کمپیٹیشن کے فٹ بال ایونٹ میں مزید تین میچز کا فیصلہ ہو گیا۔ ڈی آئی خان، ملاکنڈ اور بنوں نے اپنے میچز میں کامیابی حاصل کر لی۔ اس موقع پر ریجنل سپورٹس آفیسر کاشف فرحان مہمان خصوصی تھے۔ ان کے ہمراہ انچار ج سپورٹس نعیم گل ، چیف آرگنائزاختر حسین ، میڈیا کوراڈینیٹرلائن آفیسر محمد تنویر سمیت دیگر شخصیات موجود تھے۔

(جاری ہے)

پہلا میچ ڈی آئی خان اور مردان کے درمیان کھیلا گیا جس میں ڈی آئی خان نے ایک کے مقابلے میں تین گول سے جیت لیا۔ ڈی آئی خان کی جانب سے عدنان، ذوالفقار اور راحیل نے ایک ایک گول کیا۔ مردان کی جانب سے واحد گول امین خان نے کیا۔ دوسرے میچ میں ملاکنڈ ریجن نے پشاور ریجن کو چار صفر سے ہرا دیا۔ ملاکنڈ ریجن کی جانب سے وقاص، ہارون، اعجاز اور حمزہ نے ایک ایک گول سکور کیا۔ تیسرے میچ میں بنوں کا مقابلہ کوہاٹ ریجن کے ساتھ ہوا جس میں بنوں نے چار صفر سے مقابلہ جیت لیا بنوں کی طرف سے سہراب نے دو گول کئے۔ جبکہ کبیر خان اور اسرار نے ایک ایک گول سکور کیا۔