مخصوص نشستوں سے متعلق ن لیگ کی درخواست پر تحریری فیصلہ جاری

سپیکر کو حلف لینے کی ہدایت کی لیکن وہ مختلف وجوہات کی بنا پر ناکام رہے،عدالت مخصوص نشستوں پر منتخب ارکان سے حلف نہ لینا اختیارات کا غلط استعمال ہے،فیصلہ

جمعہ 18 جولائی 2025 12:51

پشاور(اُردو پوائنٹ اخبارتازہ ترین - این این آئی۔ 18 جولائی2025ء)پشاور ہائیکورٹ نے مخصوص نشستوں سے متعلق مسلم لیگ (ن) کی درخواست پر تحریری فیصلہ جاری کردیا۔عدالت کہاہے کہ آئین کے مطابق مخصوص نشستوں پر منتخب ارکان سے حلف لینا لازمی ہے، سپیکر کو حلف لینے کی ہدایت کی لیکن وہ مختلف وجوہات کی بنا پر ناکام رہے۔

(جاری ہے)

عدالتے فیصلے میں کہا گیا کہ مخصوص نشستوں پر منتخب ارکان سے حلف نہ لینا اختیارات کا غلط استعمال ہے، حلف نہ لینا درخواست گزار کو اپنے حق سے محروم کرنے کے برابر ہے۔پشاور ہائی کورٹ کے فیصلے کے مطابق ایڈووکیٹ جنرل نے بتایا کہ صوبائی اسمبلی کا اجلاس طلب کیا گیا ہے، درخواست غیر موثر ہونے پر خارج کی جاتی ہے۔