بھکر ،ستھرا پنجاب پروگرام کے حقیقی معنوں میں ثمرات عوام الناس تک پہنچانا میری اولین ترجیح ہے ،ڈپٹی کمشنر بھکر

جمعہ 18 جولائی 2025 14:57

بھکر (اُردو پوائنٹ اخبارتازہ ترین - اے پی پی۔ 18 جولائی2025ء) وزیر اعلیٰ پنجاب کے انقلابی اقدام ستھرا پنجاب پروگرام کے حقیقی معنوں میں ثمرات عوام الناس تک پہنچانا میری اولین ترجیح ہے، اس ضمن میں ضلعی انتظامیہ کے اعلیٰ افسران،تمام تحصیلوں کے اسسٹنٹ کمشنرز،سی اوز ایم سی ،زیڈ سی ،لوکل گورنمنٹ کے افسران اور سولڈ ویسٹ مینجمنٹ کمپنی کی مقامی انتظامیہ اپنے سونپے جانیوالے فرائض کامل احساس زمہ داری کیساتھ ادا کریں اور تمام تر امور کی کڑی مانیٹرنگ کا عمل برقرار رکھیں۔

ان خیالات کا اظہار ڈپٹی کمشنر محمد اشرف نے ستھرا پنجاب پروگرام ڈیلی ریویو سیشن کی صدارت کرتے ہوئے کیا۔ڈپٹی کمشنر محمد اشرف نے کہا کہ شہریوں کو صاف ستھرا ماحول فراہم کرنے کیلئے متعلقہ افسران روزانہ بنیاد پر وارڈز اور یونین کونسلز کا دورہ کر کے ویسٹ مینجمنٹ کمپنی کی کارکردگی کو مانیٹر کریں۔

(جاری ہے)

انہوں نے کہا کہ تمام شہری عملہ صفائی سے تعاون کریں اور جگہ جگہ کوڑا کرکٹ ہرگز مت پھینکیں مخصوص پوائنٹس پر کوڑا رکھیں عملہ صفائی بروقت اٹھا لے گا۔

ڈپٹی کمشنر محمد اشرف نے وارڈ نمبردس گیارہ اور بارہ میں کلین آپریشن کو مزید موثر بنایا جائے۔ڈپٹی کمشنر محمد محمد اشرف نے ڈیلی ریویو سیشن میں تجاوزات کے خلاف جاری آپریشن،سٹی بیوٹی فکیشن پلان پر عملدرآمد اور شجر کاری کے حوالہ سے خصوصی ہدایات جاری کیں ۔\378