ا*خواجہ سلمان رفیق کا تفریح مقام پتریاٹہ میں ایمرجنسی آفس کا دورہ

علاقے میں فراہم کی جانے والی ایمرجنسی سروسز کا تفصیلی جائزہ لیا

جمعہ 18 جولائی 2025 21:55

Wمری(اُردو پوائنٹ اخبارتازہ ترین - آن لائن۔ 18 جولائی2025ء) صوبائی وزیر صحت و ایمرجنسی سروسز پنجاب خواجہ سلمان رفیق کا تفریح مقام پتریاٹہ میں ایمرجنسی آفس کا دورہ،علاقے میں فراہم کی جانے والی ایمرجنسی سروسز کا تفصیلی جائزہ لیا، خواجہ سلمان رفیق نے اس موقع پر کہا کہ وزیر اعلیٰ پنجاب مریم نواز شریف کے ویڑن کے مطابق عوام کو بہترین ایمرجنسی سہولیات فراہم کی جا رہی ہیں انہوں نے ریسکیو اہلکاروں کی خدمات کو سراہتے ہوئے کہا کہ ہمارے ریسکیورز اپنی جانوں کی پرواہ کیے بغیر عوام کو فوری مدد فراہم کرتے ہیں، انہوں نے ایمرجنسی سروسز کے دوران اپنی جانوں کا نذرانہ پیش کرنے والے اہلکاروں کو خراجِ تحسین پیش کیا، وزیر صحت نے کہا کہ ڈاکٹر رضوان نصیر کی قیادت میں ریسکیو اہلکار بہترین انداز میں اپنے فرائض انجام دے رہے ہیں انہوں نے کہا کہ ایمرجنسی سروسز کی استعداد بڑھانے کے لیے مختلف جامعات کے ساتھ الحاق کیا جا رہا ہے تاکہ یونیورسٹی سطح کے کورسز متعارف کروائے جا سکیں،مزید برآں، ٹریفک حادثات کے اعداد و شمار کی روشنی میں متعلقہ اداروں کے ساتھ روڈ سیفٹی کے موضوع پر مشترکہ اجلاسوں کا بھی انعقاد کیا جائیگا،خواجہ سلمان رفیق نے اس عزم کا اظہار کیا کہ پنجاب ایمرجنسی سروس اور حکومتی ادارے عوامی خدمت میں 24 گھنٹے مصروف عمل ہیں۔