چین،وزیر اعظم لی چھیانگ نے یارلنگ زانگبو ہائیڈرو پاور پراجیکٹ کا افتتاح کردیا

ہفتہ 19 جولائی 2025 17:41

بیجنگ (اُردو پوائنٹ اخبارتازہ ترین - اے پی پی۔ 19 جولائی2025ء) چین کے نینگچی شہر میں دریائے یارلنگ زانگبو کے نچلے حصوں پر ہائیڈرو پاور پراجیکٹ کی افتتاحی تقریب منعقدہوئی ،سی پی سی سینٹرل کمیٹی کے پولیٹیکل بیورو کی سٹینڈنگ کمیٹی کے رکن اور چین کے وزیر اعظم لی چھیانگ نے شرکت کی اور منصوبے کے باضابطہ آغاز کا اعلان کیا۔

(جاری ہے)

چینی میڈیا کے مطابق دریائے یارلنگ زانگبو کے نچلے حصوں پر ہائیڈرو پاور پراجیکٹ چینی شی زانگ خود اختیار علاقے کے نینگچی شہر میں واقع ہے۔ منصوبے کے مطابق تقریباً 1.2 ٹریلین یوآن کی سرمایہ کاری کے ساتھ 5 پاور سٹیشنز تعمیر کئے جائیں گے جن سے پیدا کی جانے والی بجلی کی اکثریت شی زانگ خود اختیار علاقے کے قریبی علاقوں کےلئے ہو گی ۔