منہاج القرآن کے پلیٹ فارم سے اہم کتب کی تقریب رونمائی ( کل) ہو گی،شاہد لطیف

ہفتہ 19 جولائی 2025 19:43

لاہور (اُردو پوائنٹ اخبارتازہ ترین - اے پی پی۔ 19 جولائی2025ء) منہاج القرآن فرید ملت ریسرچ انسٹی ٹیوٹ کے زیر اہتمام مختلف دینی،سماجی،معاشرتی موضوعات پر شائع ہونے والی 8 کتب کی مشترکہ تقریب رونمائی کل 20جولائی بروز اتوارکو منہاج القرآن انٹرنیشنل کے مرکزی سیکرٹریٹ میں ہو گی۔تقریب رونمائی سے نامور علمی شخصیات اظہار خیال کریں گی۔

(جاری ہے)

کتب میں شیخ الاسلام ڈاکٹر محمد طاہر القادری کی4،پروفیسر ڈاکٹر حسن محی الدین قادری اور پروفیسر ڈاکٹر حسین محی الدین قادری کی دو کتابیں شامل ہیں۔

ڈائریکٹر ریسورسز اینڈ ڈویلپمنٹ شاہد لطیف نے گزشتہ روز ناظم اعلی خرم نواز گنڈاپور سے ملاقات کی اور تقریب رونمائی کے بارے میں تفصیلات سے آگاہ کیا۔انہوں نے کہاکہ منہاج القرآن کی قیادت کو یہ اعزاز حاصل ہے کہ وہ انسانیت کی فکری سطح پر رہنمائی کر رہی ہے،اس ضمن میں سالانہ بنیادوں پر شاندار کتب شائع ہو رہی ہیں۔انہوں نے کہاکہ کتب بینی کے کلچر کو فروغ دینے کیلئے تقاریب رونمائی اہم کردار ادا کریں گی۔