پنجاب پولیس کے لاہور سمیت صوبہ بھر میں سرچ اور سویپ و کومبنگ آپریشنز جاری، 70 مشکوک افراد حراست میں لئے گئے

ہفتہ 19 جولائی 2025 23:20

لاہور (اُردو پوائنٹ اخبارتازہ ترین - اے پی پی۔ 19 جولائی2025ء) پنجاب پولیس کے لاہور سمیت صوبہ بھر میں سرچ، سویپ و کومبنگ آپریشنز جاری ہیں،گزشتہ 24 گھنٹوں کے دوران 515 کومبنگ آپریشنز میں 20 ہزار 340 سے زائد مشتبہ افراد کی چیکنگ کی گئی اور 70 مشکوک افراد حراست میں لئے گئے۔

(جاری ہے)

ترجمان پنجاب پولیس نے بتایا کہ 28 سرچ اینڈ سویپ آپریشنز کیے گئے، 3144 سے زائد افراد سے پوچھ گچھ اور 02 مشتبہ افراد کو حراست میں لیا گیا، سنگین جرائم میں ملوث 447 اشتہاری، 158 عدالتی مفرور اور 111 عادی مجرمان بھی گرفتار کیے گئے۔

اسی طرح جرائم پیشہ و مشتبہ افراد کے قبضہ سے بڑی تعداد میں ناجائز اسلحہ اور گولیاں برآمد کی گئیں، جرائم پیشہ افراد کے خلاف کاروائیوں کے دوران 05 مجرمان کیفر کردار کو پہنچے جبکہ05 زخمی حالت میں گرفتار کیے گئے۔ آئی جی پنجاب نے کہا کہ ملک دشمن و جرائم پیشہ عناصر کا محاسبہ کرنے کیلئے سرچ، سویپ اینڈ کومبنگ آپریشنز جاری رکھے جائیں۔