کوئٹہ ایئرپورٹ پر سربراہ بی این پی سردار اختر مینگل کو دبئی جانے والی پرواز سے اتار دیا گیا

اتوار 20 جولائی 2025 17:10

کوئٹہ (اُردو پوائنٹ اخبارتازہ ترین - این این آئی۔ 20 جولائی2025ء)کوئٹہ ایئرپورٹ پر بلوچستان نیشنل پارٹی (بی این پی) کے سربراہ سردار اختر مینگل کو دبئی جانے والی پرواز سے اتار دیا گیا۔میڈیا رپورٹ کے مطابق کوئٹہ ایئرپورٹ پر سردار اختر مینگل کو دبئی جانے والی پرواز سے آف لوڈ کیا گیا ہے، سربراہ بی این پی اختر مینگل نے سوشل میڈیا پر پیغام میں واقعے کی تصدیق کی ہے۔

(جاری ہے)

اختر مینگل نے لکھا کہ امیگریشن حکام نے بتایا کہ آپ کا نام پرویژنل نیشنل آئیڈینٹیفکیشن لسٹ (پی این آئی ایل) میں شامل ہے۔اختر مینگل نجی ایئرلائن کی پرواز سے کوئٹہ سے دبئی جارہے تھے، تاہم انھیں آف لوڈ کردیا گیا۔سماجی رابطے کی ویب سائٹ پر اخترمینگل نے واقعے کی تصدیق کرتے ہوئے اپنے پیغام میں آگاہ کیا کہ امیگریشن حکام نے وجہ بتاکر پرواز سے اتار دیا۔انہوں نے لکھا کہ آخری بار میرا نام مشرف دور میں ایسی کسی فہرست میں شامل ہوا تھا، یہ ذکر صرف سیاق و سباق سمجھنے اور موازنہ کرنے کے لیے کیا ہے۔