وزیراعظم کے معاون خصوصی ہارون اختر کی میاں ابوذر شاد کی رہائش گاہ آمد، ہمشیرہ کے انتقال پر اظہارتعزیت

اتوار 20 جولائی 2025 22:30

لاہور (اُردو پوائنٹ اخبارتازہ ترین - اے پی پی۔ 20 جولائی2025ء) وزیراعظم کے معاون خصوصی ہارون اختر لاہور چیمبر آف کامرس اینڈ انڈسٹری کے صدر میاں ابوذر شاد کی رہائش گاہ گئے اور ان کی ہمشیرہ کے انتقال پر دلی تعزیت کا اظہار کیا۔ انہوں نے مرحومہ کے ایصالِ ثواب کے لیے فاتحہ خوانی کی اور میاں ابوذر شاد سمیت اہل خانہ کے ساتھ گہرے دکھ اور افسوس کا اظہار کیا۔

(جاری ہے)

اس موقع پر لاہور چیمبر کے سینئر نائب صدر انجینئر خالد عثمان، نائب صدر شاہد نذیر چوہدری ، سابق صدور میاں انجم نثار، محمد علی میاں، سابق سینئر نائب صدر علی حسام، خواجہ شاہ ذیب اکرم، نعیم میر، سہیل ضیا بٹ اور دیگر بھی موجود تھے۔ تمام شرکا نے مرحومہ کی مغفرت، بلند درجات اور پسماندگان کیلئے صبر جمیل کی دعا کی۔انہوں نے کہا کہ دکھ کی اس گھڑی میں تاجر برادری ان کے ساتھ کھڑی ہے۔