Live Updates

نیشنل ہائی ویز اینڈ موٹر وے پولیس کی مون سون بارشوں کے پیش نظر نئی سفری ایڈوائزری جاری، محتاط ڈرائیونگ کا مشورہ

پیر 21 جولائی 2025 18:01

اسلام آباد (اُردو پوائنٹ اخبارتازہ ترین - اے پی پی۔ 21 جولائی2025ء) نیشنل ہائی ویز اینڈ موٹر ویز پولیس نے مون سون کی بارش کے پیش نظر ٹریول ایڈوائزری جاری کر دی ۔ ترجمان نے کہا کہ محکمہ موسمیات کے مطابق 21 سے 25 جولائی تک ملک کے مختلف مقامات پر شدید بارش کی پیشن گوئی کی ہے۔بارش کے دوران سڑکیں پھسلن کا شکار ہو جاتی ہیں جس سے حادثات کا خطرہ بڑھ جاتا ہے، لہذا غیر ضروری سفر سے گریز کریں تاہم سفر کرنے کی صورت میں چند ہدایات کا خیال رکھیں ۔

(جاری ہے)

ترجمان نے کہا کہ رفتار کم رکھیں اور اگلی گاڑی سے فاصلہ زیادہ رکھیں، گاڑی کی لائٹس اور وائپر درست حالت میں رکھیں، موبائل فون استعمال نہ کریں اور توجہ مکمل ڈرائیونگ پر رکھیں۔پہاڑی علاقوں کی جانب سفر کرنے والے ڈرائیورز بالخصوص سیاح ڈرائیونگ میں زیادہ احتیاط برتیں ۔کسی بھی مدد کی صورت میں نیشنل ہائی ویز اینڈ موٹروے پولیس ہیلپ لائن 130 پر رابطہ کیا جا سکتا ہے۔ ترجمان نے کہا کہ آپ کی حفاظت ہماری اولین ترجیح ہے۔