صوبائی ترقیاتی ورکنگ پارٹی کے اجلاس میں 29ارب 24 کروڑ روپے کے ترقیاتی منصوبوں کی منظوری

پیر 21 جولائی 2025 20:25

لاہور (اُردو پوائنٹ اخبارتازہ ترین - این این آئی۔ 21 جولائی2025ء)پنجاب پلاننگ اینڈ ڈویلپمنٹ بورڈ نے مالی سال 2025-26 کے صوبائی ترقیاتی ورکنگ پارٹی اجلاس میں 29 ارب 24 کروڑ روپے کے فنڈز کی منظوری دے دی۔ فنڈز کی منظوری صوبائی ترقیاتی ورکنگ پارٹی کے نویں اجلاس میں دی گئی۔ اجلاس کی صدارت چیئرمین پی اینڈ ڈی بورڈ ڈاکٹر نعیم رؤف نے کی۔

(جاری ہے)

اجلاس میں سی ایم پنجاب سکول میل پروگرام کے لئے 6 ارب 92 کروڑ روپے ,والڈسٹی میں زیر زمین بجلی اور ٹیلی کام انفراسٹرکچر کی بہتری اور بحالی کیلئے 6 ارب 92 کروڑ روپے ,والڈسٹی کے اندر مختلف بلڈنگز کے سامنے کے حصوں کی بحالی و مرمت کیلئے 3 ارب 9 کروڑ روپے , والڈسٹی کی تاریخی عمارتوں ، حویلیوں اور دیگر تفریحی مقامات کی بحالی و تعمیر و مرمت کے لیے۔

5 ارب 10 کروڑ روپے , والڈسٹی میں سیوریج ، ڈرینج ، واٹرسپلائی اور گلیوں کی بہتری و بحالی کی لئے 5 ارب 65 کروڑ روپے ، کرٹ اور ڈیٹا سینٹر کے قیام کیلئے 1 ارب 33 کروڑ روپے اور سرگودھا میں ماس ٹرانزٹ سسٹم کی فیزیبلٹی سٹڈی کیلئے 20 کروڑ روپے کے فنڈز کی منظوی دی گئی۔ اجلاس میں سیکرٹری پی اینڈ ڈی رفاقت علی ، چیف اکانومسٹ مسعود انور،ممبران پی اینڈ ڈی بورڈ اور متعلقہ سیکٹرز کے افسران بھی شریک ہوئے۔