پاکستان نے بہت کچھ دیا عوام سے بہت محبت ملی، لیجینڈ گلوکار غلام عباس

منگل 22 جولائی 2025 13:11

کھڈیاں خاص(اُردو پوائنٹ اخبارتازہ ترین - این این آئی۔ 22 جولائی2025ء) بین الاقوامی شہرت یافتہ پاکستانی گلوکار غلام عباس نے کہا ہے کہ مجھے وطن عزیز پاکستان کی بدولت پوری دنیا میں شناخت ملی مچھے میرے وطن نے پہچان ملی پاکستان نے مجھے بہت کچھ دیا میرے ملک کی عوام نے مجھے بہت محبت دی آج جو کچھ ہوں وہ اپنے ملک کی وجہ سے ہوں ۔

(جاری ہے)

تفصیلات کے مطابق ان خیالات کا اظہارگلوکار غلام عباس نے معروف سینئر شوبز صحافی اور ایشین آرٹ کونسل کے بانی چیئرمین اسلم محمود دہلوی کے آفس آمد کے موقع پر دیے گیے ظہرانے پر کیا اس موقع پر معروف گلوکار ساجد علی خان، گلوکار زاہد، شوبز صحافی وسیم خان، اور ثاقب اسلم دہلوی بھی موجود تھے لی جینڈ گلوکار غلام عباس نے کہا ہے وہ بہت خوش قسمت ہیں کہ انہیں مہدی حسن، میڈم نورجہاں، مہناز، ناہید اختر کے ہمراہ عوام نے پسند کیا ہمارے میوزک ڈائریکٹرز اور نغمہ نگاروں نے بہت ہی لاجواب گیت تیار کیے فلموں کی شاندار کامیابی میں میوزک، شاعری اور گلوکاری کا بہت اہم کردار رہا ہے محمدعلی، وحید مراد، ندیم، شاہد، غلام محمی الدین، سمیت دیگر اداکارؤں کے لیے گایا اس موقع پر غلام عباس نے فوج کی اعلی قیادت کا شکریہ ادا کیا جنہوں نے ان کے علاج معالجے کیلئے مکمل طور پر تعاون کیا ایشین آرٹ کونسل کے بانی چیئرمین اور سینئر شوبز صحافی اسلم محمود دہلوی نے کہا کہ جس طرح گلوکاری کے شعبے میں مہدی حسن، نورجہاں، مہناز، احمد رشدی، نائید اخترنے شہرت حاصل کی اسی طرح غلام عباس نے بھی اپنی صلاحیتوں کی بدولت فلم انڈسٹری میں شہرت حاصل کی یہ سب ہمارے ملک و قوم کے لیے ایک اثاثہ ہیں اسلم محمود دہلوی نے کہا کہ وہ روز اول سے اپنے لی جینڈز کے ساتھ ساتھ جونئیرز کے لیے بھی سرگرم رہے ہیں کیونکہ ہمارے لی جینڈز ہمارا سرمایہ اور ہمارے جونیئرز ہمارا مستقبل ہیں اس موقع پر گلوکار ساجد علی خان، زاہد، وسیم خان، اور ثاقب اسلم نے بھی غلام عباس کو ذبردست خراج تحسین پیش کیا بعد ازاں اسلم محمود دہلوی کی جانب سے ظہرانے کا اہمتام کیا گیا۔