گلوکار ممتاز علی نے شاعر وقار علی خان(امریکہ) کا لکھا ہوا خصوصی ترانہ’’آئواپنی فوج کو سلام کریں‘‘کا ویڈیو مکمل کرلیا

منگل 22 جولائی 2025 21:02

کھڈیاں خاص(اُردو پوائنٹ اخبارتازہ ترین - آن لائن۔ 22 جولائی2025ء) بین الاقوامی شہرت یافتہ گلوکارممتاز علی نے معروف شاعر وقارعلی خان (امریکہ)کاپاک فوج کے لیئے لکھا ہواخصوصی ترانہ’’آئو اپنی فوج کو سلام کریں‘‘ کا ویڈیو مکمل کرلیا۔تفصیلات کے مطابق اس ویڈیو کو گذشتہ روزمختلف لوکیشنز پر مکمل کیا گیاجس کے ڈی اوپی فخر علی تھے اور ایڈیٹنگ ایم عمران(UAE) نے کی۔

(جاری ہے)

اس گانے کی شاعری لاس اینجلس امریکہ میں مقیم معروف شاعر وقار علی خان نے لکھی تھی جس کا میوزک شیزی علی نے تیارکیاتھا۔اس خصوصی ترانہ کی ڈائریکٹر وپروڈیوسر فاطمہ وقار علی خان ہیںجبکہ اس کے آرٹ ڈائریکٹر آزر خان ہیں۔ ایک ملاقات کے دوران ممتاز علی نے بتایاکہ شاعر وقارعلی خان نے یہ ترانہ پاک فوج کی محبت میں لکھاہے جسے انہوں نے پاک فوج سے عقیدت کے ساتھ گایاہے ان کا کہناتھا کہ اس ویڈیو کو انشاء اللہ یوم آزادی پر ان کے آفیشل یوٹیوب چینل و دیگر سوشل سائیٹس پر ریلیز کردیاجائیگا۔