تھانہ ریس کورس اوردھمیال کے علاقوں میں کھلی کچہری کا انعقاد

منگل 22 جولائی 2025 19:40

راولپنڈی (اُردو پوائنٹ اخبارتازہ ترین - اے پی پی۔ 22 جولائی2025ء) سی پی او سیدرااولپنڈی خالد ہمدانی کی سربراہی میں تھانہ ریس کورس اور دھمیال کے علاقہ میں کھلی کچہری کا انعقاد کیا گیا۔ ڈویژنل ایس پیز، ایس ڈی پی اوز، ایس ایچ اوز اور تفتیشی افسران بھی موجود تھے۔

(جاری ہے)

کھلی کچہری میں سول سوسائٹی اور شہریوں نے کثیر تعداد نے شرکت کی، سی پی او نے شہریوں کے مسائل سن کر ان کے حل کے لیے موقع پر احکامات جاری کئے۔

سی پی او سید خالد ہمدانی نے کہا کہ تھانہ میں آنے والے شہریوں کے مسائل کا فوری حل یقینی بنایا جائے، سروس ڈیلیوری، میرٹ اور قانون کی بالا دستی کو ہر صورت یقینی بنایا جائے گا، راولپنڈی پولیس شہریوں کے جان و مال کے تحفظ کے ساتھ شہریوں کو ان کی دہلیز پر انصاف کی فراہمی کے لیے تمام وسائل بروئے کار لا رہی ہے۔