فلسطینیوں کا روٹی کے ایک ٹکڑے کے لئے مرنا ناقابل قبول ہے، ترکیہ

کوئی کم ترین انسانی وقار کا حامل شخص بھی اس ظلم کو قبول نہیں کر سکتا ،تقریب سے خطاب

بدھ 23 جولائی 2025 16:06

استنبول (اُردو پوائنٹ اخبارتازہ ترین - این این آئی۔ 23 جولائی2025ء)ترکیہ کے صدر رجب طیب اردوان نیخبردار کیا ہے کہ روٹی کے ایک ٹکڑے یا ایک گھونٹ پانی کی خواہش میں فلسطینیوں کا مرنا ناقابلِ قبول ہے ۔

(جاری ہے)

استنبول میں ایک تقریر کے دوران دیا گیا یہ انتباہ غزہ جنگ پر بڑھتی ہوئی بین الاقوامی تنقید اور اسرائیل کی مذمت کے درمیان سامنے آیا ہے۔انہوں نے کہا کہ کوئی کم ترین انسانی وقار کا حامل شخص بھی اس ظلم کو قبول نہیں کر سکتا کہ روزانہ درجنوں بے گناہ لوگ اس لیے مرتے ہوں کیونکہ انہیں روٹی کا ایک ٹکڑا یا پانی کا ایک گھونٹ نہیں ملتا ۔