امن وامان کو قائم ودائم رکھنا ہماری اولین ذمہ داری ہے ،ڈپٹی کمشنرزیارت

بدھ 23 جولائی 2025 21:40

کوئٹہ (اُردو پوائنٹ اخبارتازہ ترین - اے پی پی۔ 23 جولائی2025ء) ڈپٹی کمشنر زیارت ذکاء اللہ درانی کی زیر صدارت ضلع میں امن وامان کو یقینی بنانے کے سلسلے میں ڈسٹرکٹ کوآرڈینیشن کمیٹی کا اجلاس منعقد ہوا۔ اجلاس میں ایف سی ونگ 155 کمانڈر لیفٹیننٹ کرنل عثمان نسیم ،میجر عرفان، ایس پی زیارت اویس علی خان،اسسٹنٹ کمشنر محمد افضل ، سی ٹی ڈی، سپیشل برانچ اور آئی بی کے نمائندوں نے شرکت کی۔

اجلاس میں امن و امان کے حوالے سے سخت موقف اپنایا گیا۔اجلاس کے اختتام پر تمام فورسز نے شہر بھر میں فلیگ مارچ کیا۔ ڈپٹی کمشنر زیارت ذکاء اللہ درانی نے کہاکہ تمام سکیورٹی فورسز ہمہ وقت الرٹ اور رابطے میں رہیں گے ۔، زیارت کے داخلی اور خارجی راستوں اور بازار کی کڑی نگرانی کریں اور مشکوک افراد پر کڑی نظر رکھیں، گشت میں اضافہ اور چیکنگ کو مزید سخت کریں اور دوران چیکنگ کسی سے بھی اگر ہتھیار، اسلحہ، چاقو، چھری یا کوئی بھی جان لیوا چیز برآمد ہوئی تو اس کے خلاف سخت ترین کاروائی کرینگے۔

(جاری ہے)

شرپسند عناصر اور قانون کو ہاتھ میں لینے والوں کو کسی بھی صورت برداشت نہیں کرینگے۔انہوں نے کہا کہ امن وامان کو قائم ودائم رکھنا ہماری اولین ذمہ داری ہے اس میں ہم کوئی کوتاہی نہیں کریں۔ شہر میں تمام فورسز کے مشترکہ فلیگ مارچ سے ہم یہ پیغام دینا چاہتے ہیں کہ زیارت کا امن ریاست کی اولین ترجیح ہے اور جو امن کو خراب کرنے کی ہمت کریگا اس کے خلاف سخت ترین کارروائی کریں۔