سپارکو کی قیادت میں خلائی سائنس کا جشن‘پاکستان بھر میں ورلڈ اسپیس ویک 2025 کا شاندار آغاز

بدھ 1 اکتوبر 2025 23:21

اسلام آباد(اُردو پوائنٹ اخبارتازہ ترین - آن لائن۔ 01 اکتوبر2025ء) سپارکو کی قیادت میں خلائی سائنس کا جشن‘سپارکو نے ورلڈ اسپیس ویک 2025 کے ملک گیر انعقاد کا اعلان کردیا۔ ترجمان سپارکوکے مطابق رواں سال ورلڈ اسپیس ویک کا موضوع ہے "خلا میں رہائش" 4 سے 10 اکتوبر تک پاکستان سمیت دنیا بھر میں ورلڈ اسپیس ویک منایا جائے گا۔ ترجمان سپارکوکے مطابق اسپوٹنک-1 کی لانچنگ اور آٹر اسپیس معاہدے کی یاد میں یہ ہفتہ منایا جاتا ہے۔

سپارکو 2005 سے ورلڈ اسپیس ویک پاکستان میں منعقد کر رہا ہے۔

(جاری ہے)

2024 میں پاکستان نے 6000 سے زائد تقریبات کے ساتھ دنیا بھر میں پہلی پوزیشن حاصل کی۔اسپیس کیمپ 2025 میں ماڈل سیٹلائٹ ڈیزائن اور لانچ کے مقابلے شامل ہوں گے ۔ترجمان سپارکوکے مطابق کراچی، لاہور، اسلام آباد، پشاور اور گلگت میں اساتذہ کی تربیتی ورکشاپس ہوں گی ۔اسکولوں میں اسپیس وین کے دورے اور تعلیمی سرگرمیاں منعقد کی جائیں گی۔ملک گیر "بیسٹ اسپیس اسکول" اور "اسپیس ایمبیسڈر" جیسے مقابلے کرائے جائیں گے ترجمان سپارکوسپارکو نوجوان نسل کو خلائی سائنس اور فلکیات میں کیریئر بنانے کی ترغیب دے رہا ہے ۔