کومل میر نے جسمانی تبدیلی سے متعلق افواہوں پر وضاحت پیش کردی

خوارک میں اضافہ کر کے قدرتی طور پر 6کلو وزن بڑھایا ہے جو زیادہ تر میرے چہرے پر ظاہر ہوا، اداکارہ

جمعرات 24 جولائی 2025 22:54

کراچی (اُردو پوائنٹ اخبارتازہ ترین - این این آئی۔ 24 جولائی2025ء)پاکستان شوبز کی اداکارہ کومل میر نے اپنی جسمانی تبدیلی سے متعلق وضاحت پیش کردی۔ایک انٹرویو میں کومل نے بتایا کہ وہ ہمیشہ کم وزن کا شکار رہیں اور کھانے پینے سے متعلق مسائل کا سامنا کرتی رہی ہیں، تاہم حال ہی میں انہوں نے خوارک میں اضافہ کر کے قدرتی طور پر 6کلو وزن بڑھایا ہے، جو زیادہ تر میرے چہرے پر ظاہر ہوا۔

(جاری ہے)

کومل نے بتایا کہ انہیں ایک فلم آفر ہوئی تھی جس کیلئے انہیں بتایا گیا کہ بڑی اسکرین پر بہتر دکھنے کے لیے صحت مند نظر آنا ضروری ہے ورنہ وہ اسکرین پر چھوٹی نظر آئیں گی، اس لیے انہوں نے خوراک میں بہتری کی زیادہ کھانا شروع کیا اور فطری طور پر وزن بڑھایا۔کومل نے سوشل میڈیا پر پھیلنے والی ان خبروں کی سختی سے تردید کی کہ انہوں نے چہرے پر فلرز کروائے ہیں۔ انہوں نے کہا کہ وہ اب خود کو زیادہ خوبصورت اور صحت مند محسوس کرتی ہیں اور دوسروں کی رائے کی پرواہ کیے بغیر اپنی زندگی اپنے طریقے سے گزار رہی ہیں۔