ویتنام کے وسطی صوبے ہا ٹین میں مسافر بس کو حادثہ، 9 افراد ہلاک

جمعہ 25 جولائی 2025 15:47

ہنوئی (اُردو پوائنٹ اخبارتازہ ترین - این این آئی۔ 25 جولائی2025ء)ویتنام کے وسطی صوبے ہا ٹین میں جمعہ کی صبح مسافر بس کے حادثے میں 9 افراد ہلاک اور 16 زخمی ہوگئے۔

(جاری ہے)

میڈیا کے مطابق بس دارالحکومت ہنوئی سے ڈانانگ جا رہی تھی کہ جمعہ کی علی الصبح ایک بج کر 45 منٹ پر سڑک کے کنارے بنی رکاوٹ سے ٹکرا گئی۔تمام زخمیوں کو ہسپتال منتقل کر دیا گیا ہے ۔ مقامی حکام کے مطابق حادثے میں ہلاک ہونے والوں کی عمریں چار سال سے 49 سال کے درمیان تھیں۔