ریلوے کی زمین پر قبضہ برداشت نہیں کیا جائے گا ، ڈویژنل سپرنٹنڈنٹ پاکستان ریلویز سکھر

جمعہ 25 جولائی 2025 15:51

سکھر (اُردو پوائنٹ اخبارتازہ ترین - اے پی پی۔ 25 جولائی2025ء) ڈویژنل سپرنٹنڈنٹ (ڈی ایس ) پاکستان ریلویز سکھر ڈویڑن جمشید عالم نے کہا ہے کہ وفاقی وزیر ریلویز کی ہدایت پرریلوے زمین پر تجاوزات اور قبضہ کسی صورت برداشت نہیں کیا جائے گا ۔

(جاری ہے)

انہوں نے بیان میں کہا کہ سکھر ڈویژن میں ریلوے زمین پرتجاوزات کی زیرو ٹالرنس پالیسی ہے، وفاقی وزیر ریلویز کی ہدایت پر تجاوزات کا خاتمہ کرنا ہے، ریلوے زمین پر اب تجاوزات کی مزید کوئی گنجائش نہیں ، جہاں جہاں ریلوے زمین پر قبضہ تھا وہ ختم کروایا گیا ہے۔

انہوں نے کہا کہ ریلوے زمین پاکستان ریلویز کی ملکیت ہے اس پر کسی کو حق نہیں کہ وہ تجاوزات کرے، تجاوزات کے خاتمے کے بعد ریلوے زمین قانونی طور پر پرائیویٹ پارٹنرشپ کے تحت دی جائے گی، قانونی طریقہ سے ریلوے زمین پر کاروبار کریں تاکہ آپ کو اور ریلوے کو فائدہ پہنچے۔