ویسٹ انڈیز اور آسٹریلیا کی کرکٹ ٹیموں کے درمیان تیسرا ٹی ٹونٹی میچ (آج)کھیلا جائے گا

جمعہ 25 جولائی 2025 19:40

جمیکا(اُردو پوائنٹ اخبارتازہ ترین - این این آئی۔ 25 جولائی2025ء)ویسٹ انڈیز اور آسٹریلیا کی کرکٹ ٹیموں کے درمیان پانچ ٹی ٹونٹی میچوں پر مشتمل سیریز کا تیسرا میچ(آج) ہفتہ کو وارنر پارک، باسیٹر، سینٹ کٹس میں کھیلا جائے گا۔آسٹریلیا کی مردوں کی قومی کرکٹ ٹیم ویسٹ انڈیز کے دورہ پر ہے جہاں وہ میزبان ٹیم کے خلاف 3 ٹیسٹ اور 5 ٹی ٹونٹی بین الاقوامی میچوں کی سیریز کھیلے گی۔

(جاری ہے)

تین ٹیسٹ میچوں کی سیریز کھیلی جا چکی ہے جس میں مہمان آسٹریلوی ٹیم نے میزبان ویسٹ انڈیز ٹیم کے خلاف 0-3 سے کلین سویپ کیا تھا۔ ٹی ٹونٹی سیریز کے دو میچز کھیلے جا چکے ہیں جو مہمان آسٹریلوی ٹیم نے جیت لئے ہیں۔کینگروز نے پہلے ٹی ٹونٹی میچ میں ویسٹ انڈین ٹیم کو 3 وکٹوں جبکہ دوسرے ٹی ٹونٹی میچ میں 8 وکٹوں سے شکست دی تھی یوں مہمان کینگروز ٹیم کو میزبان ویسٹ انڈین ٹیم کے خلاف ٹی ٹونٹی سیریز میں 0-2 کی برتری حاصل ہوچکی ہے۔ دونوں ٹیموں کے درمیان تیسرا ٹی ٹونٹی میچ ہفتہ کو کو سینٹ کٹس ،چوتھاٹی ٹونٹی میچ 27 جولائی کو سینٹ کٹس جبکہ پانچواں اور آخری ٹی ٹونٹی میچ 29 جولائی کو سینٹ کٹس کے مقام پر ہی کھیلا جائے گا۔