ارشد ندیم کا انگلینڈ میں ری ہیب جاری، ورلڈ ایتھلیٹکس چیمپئن شپ پر نظریں مرکوز

ارشد ندیم کا سارا فوکس آئندہ ماہ منعقد ہونے والی ورلڈ ایتھلیٹکس چیمپئن شپ پر مرکوز ہے جس کیلئے وہ مکمل فٹ ہو کر ایونٹ میں شرکت کرنا چاہتے ہیں

ذیشان مہتاب ہفتہ 2 اگست 2025 13:38

ارشد ندیم کا انگلینڈ میں ری ہیب جاری، ورلڈ ایتھلیٹکس چیمپئن شپ پر نظریں ..

لاہور (اردو پوائنٹ تازہ ترین اخبار ۔ 2 اگست 2025ء ) اولمپک گولڈ میڈلسٹ ارشد ندیم ان دنوں انگلینڈ میں اپنے ری ہیب پروگرام میں مصروف ہیں، جہاں وہ اپنی فٹنس کی مکمل بحالی کی جانب گامزن ہیں۔

ارشد ندیم کی گزشتہ ماہ پنڈلی کے مسلز کی سرجری ہوئی تھی اور اب ان دنوں اپنا ری ہیب مکمل کر رہے ہیں، ان کا روڈ ٹو ریکوری سیشن انگلینڈ میں جاری ہے۔

(جاری ہے)

اس بارے میں ان کے کوچ سلمان اقبال بٹ کا کہنا ہے کہ ارشد ندیم کی روڈ ٹو ریکوری بہت اچھی جا رہی ہے۔

واضح رہے کہ ارشد ندیم کا سارا فوکس آئندہ ماہ منعقد ہونے والی ورلڈ ایتھلیٹکس چیمپئن شپ پر مرکوز ہے جس کے لیے وہ مکمل فٹ ہو کر ایونٹ میں شرکت کرنا چاہتے ہیں۔