Live Updates

خیبر پختونخوا میں موسم مرطوب اور مطلع جزوی ابرآلود رہے گا

جمعہ 25 جولائی 2025 19:40

پشاور(اُردو پوائنٹ اخبارتازہ ترین - این این آئی۔ 25 جولائی2025ء)خیبر پختونخوا میں موسم مرطوب اور مطلع جزوی ابرآلود رہے گا ، صوبے کے بیشتر اضلاع میں آئندہ چوبیس گھنٹوں کے دوران بارش کا امکان ہے ، محکمہ موسمیات کے مطابق پشاور، نوشہرہ ، مردان ، چارسدہ ، صوابی ، چترال ، سوات ، مالاکنڈ میں بارش کا امکان ہے، دیر ، شانگلہ ، کوہستان ، بٹگرام ، تورغر ، مانسہرہ ، ایبٹ آباد میں بھی بارش ہو گی ، کوہاٹ ، ہنگو ، کرک ، لکی مروت ،بنوں ، باجو ڑ ، مہمند ، خیبر ، اورکزئی میں بھی بارش متوقع ہے، محکمہ موسمیات کے مطابق ٹانک ، ڈی آئی خان ، شمالی و جنوبی وزیرستان میں بھی بارش کا امکان ہے، چترال ، دیر ، سوات ، بونیر ، شانگلہ ، کوہستان ، بٹگرام ، تورغر ، مانسہرہ میں ندی نالوں میں طغیانی کا خدشہ ہے، ایبٹ آباد ، مردان ، صوابی ، کرم اور خیبر میں بھی سیلابی صورت حال کا خدشہ ہے، بالائی اضلاع میں پہاڑوں پر لینڈ سلائیڈنگ کا خدشہ ہے، گذشتہ روز نوشہرہ ، مردان،ایبٹ آباد ، بالاکوٹ اور سوات میں بارش ہوئی ، مردان میں 68 ، رسالپور میں 22 ،کاکول اور دروش میں 4 ملی میٹر بارش ہوئی۔