صفر کا چاند نظر نہیں آیا، رویت ہلال کمیٹی کا اعلان

ہفتہ کو 30محرم الحرام ، اتوار کو یکم صفر المظفر 1447ہجری ہوگی، نوٹیفکیشن جاری

جمعہ 25 جولائی 2025 21:25

اسلام آباد(اُردو پوائنٹ اخبارتازہ ترین - این این آئی۔ 25 جولائی2025ء)مرکزی رویت ہلال کمیٹی نے صفر کا چاند نظر نہ آنے کا اعلان کردیا، یکم صفر المظفر (کل)اتوار کو ہوگی۔

(جاری ہے)

تفصیلات کے مطابق مرکزی رویت ہلال کمیٹی کا اجلاس مولانا عبدالخبیر آزاد کی زیر صدارت اسلام آباد کے علاقے کوہسار میں واقع وزارت مذہبی امور کی بلڈنگ میں منعقد ہوا۔اجلاس کے دوران شرکا کو ملک بھر سے کہیں بھی چاند نظر آنے کی شہادت موصول نہیں ہوئی۔اجلاس کے بعد کمیٹی نے اعلان کیا کہ (آج) ہفتہ 30محرم الحرام 1447ہجری ہوگی اور یکم صفر المظفر 1447ہجری اتوار 27جولائی کو ہوگی جس کا نوٹیفکیشن جاری کردیا گیا۔