محکمہ موسمیات کی اسلام آباد سمیت ملک کے مختلف حصوں میں گرج چمک کے ساتھ بارش کی پیشگوئی

ہفتہ 26 جولائی 2025 21:55

اسلام آباد (اُردو پوائنٹ اخبارتازہ ترین - این این آئی۔ 26 جولائی2025ء) محکمہ موسمیات نے آئندہ چوبیس گھنٹوں میں اسلام آباد سمیت مشرقی پنجاب ، جنوب مشرقی سندھ، بالائی خیبر پختونخواہ ، خطہ پوٹھو ہار، گلگت بلتستان اور کشمیر میں گرج چمک کے ساتھ چند مقامات پر بارش کی پیشگوئی کی ہے۔

(جاری ہے)

محکمہ موسمیات کے مطابق گزشتہ 24 گھنٹوں کے دوران بالائی خیبرپختونخوا،بالائی پنجاب ، کشمیر اورگلگت بلتستان میں تیزہوائوں اور گرج چمک کے ساتھ بارش ہوئی جبکہ ملک کے دیگرعلاقوں میں موسم گرم اور مرطوب رہا۔

اس دوران سب سے زیادہ بارش مالم جبہ میں 29، دیر 16، دروش 8، کاکول 3، مری 20، قصور 18، اوکاڑہ ایک، گڑھی دوپٹہ 12، کوٹلی 4، گلگت اور بگروٹ 5 جبکہ بونجی میں 3ملی میٹر بارش ریکارڈ کی گئی۔ ہفتہ کو ریکارڈ کئے گئے زیادہ سیزیادہ درجہ حرارت کی رپورٹ کے مطابق دالبندین میں درجہ حرارت 45، نوکنڈی ا وردادو میں44سینٹی گریڈ ریکارڈ کیا گیا ہے۔