بٹگرام،گدھے کا گوشت فروخت کرنیوالے 2 افراد گرفتار

گدھے کا گوشت غیر ملکیوں کے کیمپ بھجوایا جانا تھا،ملزمان کا موقف

منگل 29 جولائی 2025 22:35

بٹگرام(اُردو پوائنٹ اخبارتازہ ترین - این این آئی۔ 29 جولائی2025ء)بٹگرام کے علاقے کوزہ بانڈہ میں محکمہ خوراک نے کارروائی کرتے ہوئے گدھے کو ذبح کرکے گوشت فروخت کرنے والے 2 افراد کو گرفتار کر لیا۔

(جاری ہے)

بٹگرام پولیس کے مطابق برآمد کیے گئے گوشت کے نمونے تجزیے کے لیے لیبارٹری بھیج دیے گئے ہیں۔ملزمان کا موقف ہے کہ گدھے کا گوشت غیر ملکیوں کے کیمپ بھجوایا جانا تھا۔ڈی ایف سی شاد محمد خان کے مطابق ملزمان کے پاس کوئی اجازت نامہ نہیں ملا ہے۔انہوںنے کہاکہ مقامی طور پر گدھے کا گوشت فروخت کرنے کا ابھی کوئی ثبوت نہیں ملا ہے۔