موریشین سائیکلسٹ کمبرلے لی کورٹ نے خواتین کی ٹور ڈی فرانس فیمز ریس 2025کا پانچواں مرحلہ جیت لیا

جمعرات 31 جولائی 2025 08:20

پیرس (اُردو پوائنٹ اخبارتازہ ترین - اے پی پی۔ 31 جولائی2025ء) موریشین سائیکلسٹ کمبرلے لی کورٹ نے خواتین کی ٹورڈی فرانس فیمز ریس2025 کا پانچواں مرحلہ اپنے نام کرلیا۔ خواتین کی ٹورڈی فرانس فیمز سائیکل ریس 2025کے چوتھے ایڈیشن میں کانٹے دار مقابلوں کا سلسلہ جاری ہے ۔ جس میں دنیا بھر کی سائیکلنگ کی 22ٹیموں کی نامور سائیکل سوار ٹائٹل کے حصول کے لئے کوشاں ہیں۔

ٹور ڈی فرانس فیمز سائیکل ریس کے پانچویں مرحلے میں سائیکل سواروں نےفرانس میں جانئےمارگنی(فیوچرسکوپ)سے گوریٹ تک 165.8 کلو میٹر فاصلہ طے کرنا تھا۔29 سالہ موریشین سائیکلسٹ کمبرلے لی کورٹ نے عمدہ سائیکلنگ کا مظاہرہ کرتے ہوئے 165.8 کلومیٹر کا فاصلہ 3 گھنٹے 54منٹ اور 7 سیکنڈز میں طے کرکے پہلی پوزیشن حاصل کی۔

(جاری ہے)

28 سالہ نیدرلینڈز کی سائیکل سوار ڈیمی وولرنگ نے دوسری جبکہ 35 سالہ نیدرلینڈز کی ہی سائیکلسٹ انا وین ڈیر بریگین نے تیسری پوزیشن حاصل کی۔

پولینڈ کی 30 سالہ سائیکلسٹ کتارزینا نیویاڈوما نے چوتھی پوزیشن حاصل کی۔ 29 سالہ موریشین سائیکلسٹ کمبرلے لی کورٹ نے پانچواں مرحلہ جیتنے کے ساتھ ہی یلو جرسی پر دوبارہ قبضہ حاصل کرلیا ہے۔ ٹور ڈی فرانس فیمز سائیکل ریس 9 مرحلوں پر محیط ہوگی جس میں سائیکل سوار 1168.6کلو میٹر کا سفر طے کریں گی ۔ خواتین کی ٹور ڈی فرانس فیمز سائیکل ریس میں 22 ٹیمیں ٹائٹل کے حصول کے لئے ایکشن میں ہیں جو 9 روز جاری رہنے کے بعد 3 اگست کو اختتام پذیر ہوگی۔ خواتین کی ٹور ڈی فرانس فیمز سائیکل ریس میں پولینڈ کی 30 سالہ سائیکلسٹ کٹارزینا نیویاڈوما گ اپنے اعزاز کا دفاع کے لئے کوشاں ہیں ۔ \932